"भक्तिरस नवरात्र महोत्सव 2024"

*सुनील राणे आयोजित "भक्तिरस नवरात्र महोत्सव 2024" हेमा मालिनी, अनुप जलोटा, डेझी शाह चे सादरीकरन भक्तीरस नवरात्र महोत्सवात असेल.* मुंबई, आजपासून देशभरात नवरात्रोत्सवाला सुरुवात झाली आहे. बोरिवली येथील कोरा सेंटर मैदानावर सुनील राणे आणि दुर्गादेवी नवरात्र उत्सव समितीच्या वतीने आयोजित “भक्तिरस नवरात्र महोत्सव 2024” ची सुरुवात देखील होत आहे. पश्चिम बंगालच्या पारंपारिक दुर्गा उत्सवाच्या थीमवर, मुंबईकरांना बोरिवलीमध्ये भव्य नवरात्रोत्सवाची रंगत आणि उत्साह पाहता येणार आहे. नऊ दिवस चालणाऱ्या भव्य दुर्गापूजेबद्दल बोलताना बोरिवलीचे आमदार सुनील राणे म्हणाले, “भक्तिरस नवरात्री महोत्सवाचे आयोजन पश्चिम बंगालच्या पारंपारिक दुर्गा महोत्सवाची थीम घेऊन भव्य पंडाल आणि दुर्गा मूर्तीसह करण्यात आले आहे. मुंबईकर पहिल्यांदाच एवढ्या भव्यदिव्य नवरात्रोत्सवाचा आनंद लुटत आहेत. गरबा आणि दांडियासाठी प्रसिद्ध असलेल्या बोरिवलीमध्ये पहिल्यांदाच एका अनोख्या पद्धतीने “भक्तिरास नवरात्र महोत्सव २०२४” आयोजित करण्यात आला आहे, ज्यामध्ये आम्ही बॉलीवूडचे बडे स्टार्स, भक्ती गायक यांचा समावेश केला असल्याचे सुनील राणे सांगतात नवरात्री महोत्सव 2024 मध्ये. दिग्गज कलाकार अनुप जलोटा आणि हेमा मालिनी यांच्या अभिनयाने या उत्सवाला अतिशय भव्य स्वरूप देण्यात आले आहे.

“भक्तिरस नवरात्री महोत्सव 2024” भव्य महोत्सवाच्या पहिल्या दिवशी प्रमुख आकर्षण म्हणजे बॉलीवूड अभिनेत्री डेझी शाह आणि रिया शर्मा यांचे दुर्गा पूजा शक्ती नृत्याचे विशेष सादरीकरण. नऊ दिवस चालणाऱ्या या महोत्सवात सोनाली कुलकर्णी, गिरीजा प्रभू, शुभदा वराडकर, चांदनी शर्मा, नेहल चुडासामा, ऋषभ जैन आणि बँड्स, वृषिका आणि टीम अरविंद वेगडा आणि मनोज मिश्रा यांचा परफॉर्मन्स स्थानिक रहिवाशांना पाहायला मिळणार आहे. महोत्सवाच्या आठव्या दिवशी अभिनेत्री हेमा मालिनी यांचे दुर्गा नृत्य विहार आणि नवव्या दिवशी अनुप जलोटा यांचे भजन संध्या सादरीकरण होणार आहे. 3 ऑक्टोबर ते 12 ऑक्टोबर या कालावधीत कोरा सेंटर ग्राउंड 3, बोरिवली पश्चिम येथे दररोज सायंकाळी 7 ते 10 या वेळेत मुंबईकरांना माँ दुर्गेची भव्य आरती आणि भक्तांसाठी विविध कार्यक्रमांचा आनंद घेता येणार आहे.