*डोझीचे एआय सुसज्ज रिमोट पेरेंट हेल्थ मॉनिटरिंग सेवा दाखल*

*डोझीचे एआय सुसज्ज रिमोट पेरेंट हेल्थ मॉनिटरिंग सेवा दाखल* परदेशस्थ नागरिकांना दूर असूनही आपल्या पालकांच्या आरोग्यातील काही गंभीर चढउतार लवकरात लवकर समजावेत यासाठी त्यांच्या आरोग्याविषयीच्या सूचना प्रत्यक्ष त्या-त्या वेळी मिळणे शक्य बेंगळुरू, भारत, ऑक्टोबर २०२४ – भारतामध्ये एआय तंत्रज्ञानावर आधारित आरोग्यसेवांच्या क्षेत्रातील आघाडीची कंपनी डोझी (Dozee)ने एक क्लिनिकल दर्जाची, एआय सुसज्ज रिमोट पेरेंट मॉनिटरिंग (RPM) सेवा सुरू केली आहे. परदेशामध्ये राहताना आपल्या पालकांच्या आरोग्यावर देखरेख ठेवणे हा परदेशस्थ भारतीयांसाठी एक मोठा काळजीचा विषय बनला आहे. डोझी श्रावण (Dozee Shravan)मुळे आता परदेशात राहणाऱ्या कुटुंबांना भारतात राहणाऱ्या त्यांच्या पालकांच्या आरोग्यावर नियमितपणे लक्ष ठेवता येणार आहे. डोझीचे हे एआय सुसज्ज, स्पर्शरहित रिमोट हेल्थ मॉनिटरिंग तंत्रज्ञान वृद्ध मंडळींना विनासायास वापरता यावे अशाप्रकारे डिझाइन करण्यात आले आहे. यावरील हेल्थ डेटा कुटुंबांपर्यंत तसेच डॉक्टरांपर्यंतही सुरक्षितपणे पोहोचवता येतो. डोझीद्वारे आरोग्यावर सतत देखरेख ठेवली जात असल्याने आणि वेळोवेळी (रिअल टाइममध्ये) अलर्टस् पोहोचविण्याच्या क्षमतेमुळे शरीराच्या व्हायटल पॅरामीटर्समध्ये थोडाही चढउतार झाल्यास त्याचे निदान होण्यास मदत होते, ज्यामुळे वेळच्यावेळी वैद्यकीय हस्तक्षेपाची हमी मिळते. भारताची पहिल्या क्रमांकाची रिमोट पेरेंटिंग कंपनी डोझी देशभरातील २८० हून अधिक हॉस्पिटल्सची विश्वासार्ह कंपनी आहे. लक्षावधी परदेशस्थ नागरिक अर्थात एनआरआय मंडळी भारतातील आपल्या वृद्धावस्थेतील मातापित्यांपासून दूर अंतरावर राहत असल्याने आपल्या पालकांच्या आरोग्यव्यवस्थापनाच्या दृष्टीने गंभीर आव्हाने त्यांच्यासमोर उभी राहतात. सध्या मदतीसाठी उपलब्ध असलेल्या व्यवस्थेमध्ये अधूनमधून चेक-इन करणे, नातेवाईकांची व शेजाऱ्यांची मदत घेणे आणि मर्यादित प्रमाणात उपलब्ध टेलिमेडिसीनची सुविधा अशा काही मोजक्याच सोयींचा समावेश होतो, ज्यामुळे थोडाफार दिलासा मिळतो आणि आणीबाणीच्या वेळी बरेचदा त्या निरुपयोगी ठरतात. लवकरात लवकर निदान करून देणाऱ्या प्रभावी यंत्रणेचा अभाव असल्याने हवे तसे परिणाम मिळत नाहीत कारण निदान लवकर होत नसल्याने सहजपणे हाताळता येण्याजोग्या आरोग्यसमस्यांकडे दुर्लक्ष होते आणि त्या लक्षात येईपर्यंत खूप उशीर झालेला असतो. सध्या उपलब्ध उपाययोजना तोकड्या असल्याचा प्रत्यय वारंवार येतो; अनेक वयोवृद्ध व्यक्तींना तर त्या असुलभ वाटतात किंवा त्यासाठीच्या उपकरणांचा वापर करायला, ती चार्ज करायला किंवा त्यांची देखभाल करायला ते विसरतात. यातून अशा एका सर्वसमावेशक, प्रयोगसिद्ध, रिअल-टाइम मॉनिटरिंग उपाययोजनेची तातडीची गरज अधोरेखित होते, जी अचूक असेल, भरवशाची आणि वापरसुलभ अर्थात यूजर-फ्रेंडली असेल – ज्यामुळे कुटुंबं दूरदेशी राहूनही तसेच डेटासुरक्षा व गोपनीयतेच्या आंतरराष्ट्रीय मानकांचे पालन करत आपल्या प्रियजनांची काळजी घेण्यास सक्षम बनतील.

डोझीचे श्रावण हृदयाचे ठोके, श्वासोच्छवास, रक्तदाब आणि झोपेची पद्धत यांसारख्या अत्यंत महत्त्वाच्या गोष्टींवर अखंड, स्पर्शरहित पद्धतीने देखरेख ठेवण्याची सोय उपलब्ध करून देत अशा सेवांच्या उपलब्धतेतील दरी भरून काढते. एआय सुसज्ज बॅलिस्टोकार्डिओग्राफीच्या आधारे तयार करण्यात आलेली ही यंत्रणा बायोमार्कर्सच्या विश्लेषणासाठी आणि त्यात काही फरक झाल्यास त्याच वेळच्यावेळी सूचना देण्यासाठी प्रगत एआय अल्गोरिदम्सचा वापर करते, ज्यामुळे आरोग्याशी निगडित आणीबाणी उद्भवण्याचा धोका कमी होतो आणि वेळच्या वेळी वैद्यकीय मदत मिळविणे शक्य होते. या तंत्रज्ञानाला FDA ची मान्यता असून ती डेटा सुरक्षेच्या आंतरराष्ट्रीय मानकांचे पालन करते. यावरील हेल्थ डेटा एका यूजर-फ्रेंडली मोबाइल अॅपद्वारे मिळवता येतो, ज्यामुळे परदेशस्थ नागरिकांना आपण कितीही दूर राहत असलो तरीही आपल्या पालकांच्या तब्येतीची खबरबात आपल्याला अखंडपणे मिळत राहील याची शाश्वती लाभते. याआधीच भारत, यूएसए आणि आफ्रिकेतील २८० हून अधिक हॉस्पिटल्सचा विश्वासू सहकारी बनलेले डोझी ‘मेड इन इंडिया’ हेल्थ एआय साठी आशेचा दीपस्तंभ म्हणून उदयास आले आहे व संपूर्ण जगावर प्रभाव टाकत आहे. श्रावणच्या निमित्ताने डोझीने एका नव्या पर्वात प्रवेश केला आहे व एनआरआय मंडळींना भारतात राहणाऱ्या आपल्या वयोवृद्ध पालकांच्या आरोग्याचे व्यवस्थापन करता यावे यासाठी एक क्लिनिकल दर्जाची उपाययोजना उपलब्ध करून दिली आहे. श्रावणची मुख्य वैशिष्ट्ये: 1. स्पर्शरहित, सातत्यपूर्ण देखरेख: o हृदयाचे ठोके, शासोच्छवासाचे प्रमाण यांसारख्या महत्त्वाच्या परिमाणांवर एआय आधारित देखरेख, स्पर्शरहित पद्घतीने रक्तदाब मोजणे आणि आधारित झोपेच्या पॅटर्न्सची नोंद ठेवणे हे सर्व शरीराव कोणतेही उपकरण बाळगण्याच्या कटकटीशिवाय होत असल्याने वयोवृद्ध पालकांना कमीत-कमी अडथळा जाणवतो. 2. रिअर-टाइम अलर्टस् आणि नोटिफिकेशन्स: o आरोग्य परिमाणांमध्ये चढउतार झाल्याचे आढळल्यास परदेशस्थ मुले व भारतात आरोग्यसेवा पुरविणाऱ्या यंत्रणा अशा दोघांनाही त्याची सूचना तत्काळ पाठवली जाते, ज्यामुळे वेळच्यावेळी वैद्यकीय मदत मिळणे शक्य होते. 3. आरोग्यसेवा पुरविणाऱ्यांशी विनाअडथळा समन्वय साधणे शक्य: o भारतातील सर्वोत्तम हॉस्पिटल्सबरोबर असलेल्या सहयोगामुळे पालकांना डॉक्टरांशी नियमित सल्लामसलतीपासून ते आणीबाणीच्या प्रसंगी आवश्यक वैद्यकीय मदतीपर्यंत सर्व प्रकारच्‍या उत्कृष्ट आरोग्य सेवा उपलब्ध होण्याची हमी मिळते. 4. स्वयंस्फूर्त आरोग्य व्यवस्थापन: o मासिक रिपोर्टस् आणि आरोग्यातील चढउतारांच्या पद्धतीचे विश्लेषण यामुळे परदेशस्थ भारतीयांना आपल्या पालकांच्या तब्येतीच्या स्थितीचा एका मोठ्या कालावधीसाठी पाठपुरवठा करता येतो व त्यानुसार, संपूर्ण माहितीनुसार निर्णय घेता येतो. 5. वापरसुलभता: o साधासोपा आणि युजर-फ्रेंडली इंटरफेस असलेल्या श्रावणची रचनाच वयोवृद्ध यूजर्सना ते सहज स्वीकारता यावे व आपल्या दैनंदिन जीवनात कोणताही अडथळा न येता वापरता यावे अशाप्रकारे करण्यात आली आहे. “श्रावणमध्ये मातापित्यांची काळजी घेण्याच्या भारतीय संस्कृतीचे सार सामावलेले आहे. आपल्या पालकांची काळजी घेण्याची रीत आपल्या समाजामध्ये खोलवर रुजलेली आहे. परदेशात राहणारे भारतीय जगभरात भारताचा नावलौकिक वाढवित असले तरीही इतक्या दूर राहून आपल्या पालकांच्या आरोग्याचे व्यवस्थापन करणे हा त्यांच्यासाठी एका प्रमुख चिंतेचा विषय असतो. डोझी श्रावणच्या मदतीने आता परदेशस्थ भारतीयांना आपल्या भारतातील पालकांवर सातत्याने देखरेख ठेवली जात आहे, त्यांची काळजी घेतली जात आहे याबद्दल निश्चिंत राहता येईल, ज्यामुळे त्यांना आपले आयुष्य अधिक चांगल्या प्रकारे जगता येईल व मन:शांती लाभेल.” डोझीचे सीईओ व सह-संस्थापक मुदित दंडवते म्हणाले. भारताची अव्वल क्रमांकाची रिमोट पेशंट मॉनिटरिंग आणि अर्ली वॉर्निंग सिस्टीम सोल्यूशन कंपनी डोझीच्या तंत्रज्ञानाचे हॉस्पिटल्सच्या व्यवस्थेमध्ये असलेले मूल्य झीरो कोड ब्लू घटनांचे लक्ष्य गाठण्यास मदत करण्यापासून ते आयसीयूमध्ये दाखल करण्याची गरज ५० टक्‍क्‍यांनी कमी करण्यापर्यंतच्या अनेक उपयुक्ततांच्या रूपाने आधीच सिद्ध झाले आहे. डोझीने आपल्या अर्ली वॉर्निंग सिस्टीमच्या साथीने रुग्णसुरक्षेत सुधारणा घडवून आणण्यासाठी तसेच उपचारांना अधिक चांगले यश मिळण्याच्या दृष्टीने वेळच्यावेळी वैद्यकीय मदत मिळवून देण्यासाठी मदत करत वैद्यकीय मदतीची आवश्यकता असलेल्या रुग्णांना आरोग्यसेवायंत्रणांकडून मिळणाऱ्या प्रतिसादामध्ये क्रांती घडवून आणली आहे.